Home / Playit專題 / 《des香流影音玩樂展》 DAY 1 抵買貨介紹

《des香流影音玩樂展》 DAY 1 抵買貨介紹

《des香流影音玩樂展》星期五開幕,至本周日於「九展」舉行,《PCM》都有去幫手講了一個主題講座,示範一下用 RTX 2080Ti 於4K 電視上畫面可以有幾靚!至於會場上的展覽攤位,大家當然關心有無抵買的影音產器。第一日先同大家介紹部分見到又值得同大家推介得抵買貨。

今日入會場見到最抵買的,莫過於小編自己都用緊既 Onkyo CMX1 DAP 手機,呢部機兩年前推出時賣價 6K,但都樂多人買左,因為一部聽歌樂唔錯的手機,到而家市場都無另一部,示過手機部分的性能當然唔及而家新的手機,所以都係難逃減價清貨命運。

而家會場做 $3,980 送埋原裝碳纖機殻同屏幕保護貼,單單個機殻早前小編係日本 Onkyo Base 買就要成五百蚊,呢次直係左一巴右一巴,只能不停同自己講「早買早享受!」

呢款可以用藍牙又可以用有線的無線「大耳牛」只係 $899,支援 Hi-res 高清音樂,有埋 NFC 方便連接手機。外型有復古味,採用大口徑40mm全音單元,配合輕量化 CCAW 鋁質線圈,注重低音表現,重量只有290g ,長期佩戴也不覺頸倦。

 

以下要介紹的耳機唔好以為同產面既差不多,其實呢款 Onkyo 只在日本限量推出的 SN-1 桐木耳機,今次特別借來香港俾大家試聽。SN-1 需要有足夠輸出功率的耳擴招呼,一定要試聽一下。

除了日本製旗艦耳機,Onkyo 今次也特別展出了旗艦書架喇叭 SC-3 ,現時SC-3 全港只有三台,今次香港 Onkyo 借來一對於展館展出,可惜無接喇叭線無法一試其威力。SC-3 用上Onkyo 新開發的 2.5cm 環型鎂震動單元,仿照老工匠製作號角喇叭的概念,低音採用非壓沖ONF (Onkyo Nano Fiber),以生物材質素材和紙漿纖維混合而成。呢個價錢以高階喇叭唔算好貴。

剛剛於PCM 搞完 Digi Friday 的主角 Yamaha RX-A2080 都有優惠,原價 $12,980 ,現場買送一對 WX-021 無線 MusicCast 喇叭,可以將之設定成無線環繞聲喇叭。再加一隻 YST-FSW150 薄身低音揚聲器,可以放於沙發底。加埋慳到幾千蚊!

美國 Tributaries 的線材最近經常曝光,會場做買四送一優惠,即係買任何5條訊號線或 HDMI 線,最平的一條會免費,線材價錢本身都幾親民,而家可以幾千蚊執齊一套,有幾抵就要睇你自己點計數。

同一 個攤位,今次又有美國大地震 重低音做半價優惠,今次做半價係相當慳位的MineMi V2系列,不過當中 P10V2 第一日一早就賣晒,餘下 P8V2 同 P12V2 ,點算?玩低音,幾時都係有大買大的⋯⋯

筆者玩耳機功力唔算深厚,太貴的入耳型耳機更不懂得欣賞,有機會要慢慢塗毒自己。不過以抵玩耳機中,日本Final 是個人喜愛牌子之一,因為價錢比較貼地,好似展覽中推出的一對 Final E1000 ,價錢平列只係$199 ,話晒都叫日本牌子,音質同價絕對收貨!想玩好一點的有另一個 Make 系列,筆者以往試過可以自己改音色的耳機,售價過萬! 呢個 Make 系列一樣可以自己調音,透過換濾綿及機內空氣氣壓,令音色有數十,甚壓數百種變化,最貴的Make 1 採用3動鐡設計,配原裝銀線,售價$4,380 ;Make 2 是一動一鐡設計,聲音比較中間平衡,聽感舒適,售價$2,480 ; 而最抵玩是 Make 3 ,一動全頻式耳機,雖然比較簡單,但聲音音場營造十分的好,而價錢只是$1,280 ,預算不多的可以考慮一下。

最後,如果耳機同影音產品你都有,可以考慮買幾粒耳棉膠,Acoustune 的耳棉膠可以散賣,一對 $24 ,3對買每對更只是 $20 ,好處是你可以自由組合,不同大細、硬度都配到,外面買就是一包包封好,就算一包括對一樣是 $60 ,但散買可以三對不同,想試唔同耳塞的今次係好機會。

 

Comments

comments

About Lawrence

一個由細玩到大的人

Check Also

全球首發 iMAX Enhanced UHD 影碟首播

日前《PCM》Digi Fri …