Home / 影視評鑑 / 影碟 / 【實物入手】《 你的名字 。》日版UHD BD Boxset!

【實物入手】《 你的名字 。》日版UHD BD Boxset!

新海誠監督嘅《 你的名字 。》,無論喺日本或海外,都得到空前成功。而今次日本方面推出嘅影碟版本,除咗Blu-ray Disc同DVD之外,當然有跟上超清潮流嘅UHD BD!但係,UHD BD版並冇獨立販售,只有收錄內容非常豐富嘅Boxset!

只不過,日本版的中文字幕卻是殘‧體‧字!

 

主菜當然係UHD BD版,另有BD版,加上3隻特典BD,合共5隻碟,可謂陣容強大。而且,經過提高聲畫表現嘅FORS Master Process處理,絕對冇得輸。

先試BD版嘅Chapter 25〈逢魔之時〉,三葉和瀧首次相遇那段,顏色豐富,就似戲院版那樣令人難忘。畫質極正,不負日版之名。(※手機翻拍畫面)

再試UHD BD版嘅同一段,除了顏色變得濃烈及多樣之外,HDR效果令顏色層次更為豐富,簡直返唔到轉頭睇BD版。既然投資咗購買UHD器材(電視、播放機、影碟),當然要好享受啦!

此外,Boxset最搶眼係兩本書,一本係縮細版台詞本,大家可以用嚟學講日文,另一本係設定集,有齊新海誠訪問、最初概念《夢と知りせば(仮)――男女とりかえばや物語》嘅圖文企劃,以及《 你的名字 。》大量插圖。

《 你的名字 。》好在內容,無論有冇HDR,都一樣值得大家一睇再睇!之不過,一心想睇繁體中文字幕,香港版一定係首選,但港版UHD BD暫時未知幾時出。

Comments

comments

About Chiwai

Chiwai
文字遊俠,嗜好是打電玩、看動畫、去旅行、寫小說,踩單車,以及閒時陪伴家人好友幹以上勾當。

Check Also

[新碟推介]《同囚》喚醒大家關心活在黑暗中的一群

導演 : 黃國權 主演 : 關 …