Home / 影視評鑑 / 【影評】《壞蛋獎門人3》 Minnions 唔再幫犀利哥 仲殺出多個細佬?!

【影評】《壞蛋獎門人3》 Minnions 唔再幫犀利哥 仲殺出多個細佬?!

為今個暑假打響合家歡電影頭炮的一定是《壞蛋獎門人 3》(下稱壞蛋 3)吧?自從第一集推出之後,大家除了把目光放到故事外,其中重點一定是當中的「迷你兵團」吧?不過今隻故事不再把重點只放到犀利哥或是 Minnions 身上,而是分成多條故事綫,再另加新角色「巴閉哥」的出現又係咩水?

故事大要

今次奸角係鬍鬚柏。

今集故事承接第二集犀利哥同佢老婆露露加入「反壞蛋聯盟 AVL」後的生活。故事一開初犀利哥已經被奸角「鬍鬚柏」多次走甩而搞到無咗份工。衰開有條路,犀利哥煩惱緊無工開的同時,迷你兵團因為犀利哥唔再作惡而決意離開。呢個時候,犀利哥收到一個晴天霹靂的消息:有個叫做「巴閉哥」的孖生兄弟?!原來今次相認係巴閉哥想繼承家族的「邪惡基因」而搵犀利哥幫手。究竟兩兄弟今次會搞啲咩花樣出來?鬍鬚柏又會點作惡?迷你兵團又會唔會返返犀利哥身邊?

親情描寫唔會喧賓奪主

親情描寫程度啱啱好。

今集故事除咗兄弟情同 Minnions 的獨行之旅外,重點之一就係三個女同露露的關係。始終去到第三集,三個小妹妹都長大,係時候要講返多少少 ge ~故事主要把親情放左係大女嘉嘉同露露身上,不過一般呢啲情節都會畀人覺得太老套或者太長令到電影出現悶場情況。今次《壞蛋 3》只係用咗幾幕情節就輕鬆交代兩母女的感情點樣差變好。可能有人會覺得會唔會太兒戲啊?但呢套始終係笑片,而且今集重點係兩兄弟的較事主軸,所以呢種輕描淡寫的手法表現反而剛剛好。小朋友易明之餘,大朋友都唔會覺得好無聊。

三線故事發展流暢

以兩兄弟對付鬍柏為主線,三線發展流暢。

好似上一段所講,親情,兄弟情同迷你兵團的小枝節係構成電影故事的三大主幹。迷你兵團個部份其實入場的觀眾可以當係第二個故事去睇,因為離開左犀利哥個部份就開始係佢地自己的經歷,去到後期先回歸電影主線。但呢一部份大家又可以輕鬆笑下班 Minnions 的白痴行為,基本上係成套電影的笑位來源。親情上面講左呢段就唔多講啦,總之親情筆者就覺得著墨唔情度啱啱好,唔會令故事有悶場。去到兄分情,始終小朋友電影,大家唔會期望睇到深入「到由外到內再到返外」的表現,但好明顯角色的性格就好突出。犀利哥想透過合作重返 AVL 同巴閉哥渴望證明自己都係壞人的性格及衝突構成故事發展。小朋友容易明之餘,三個故事綫都可以有平衡發展。

Agnes 故事有啲無謂

提到犀利哥個三個女,大家最有印像應該係最細個個 Agnes 啦?Agnes 係過往個幾集都以可愛同鍾情「獨角獸」而被大家記住。今一集故事特別有一段小插曲專登寫佢去搵「獨角獸」,原本就無咩問題,但係就唔知點解就係唔夠搞笑,而且個部份無涉及到故事主線。雖然唔算太長,但筆者始終唔係好搵到呢 Part 係電影當中的作用。筆者唯有解釋呢一個小插曲係導演想畀 Agnes 戲份而刻意拍出來啦!

Comments

comments

About Ares

Ares

Check Also

回憶留住了心事千遍《29+1》

導演 / 編劇 : 彭秀慧 主 …