Home / 影視 / 【片已被河蟹】中國版 Iron Man?《機甲戰神孫悟空》連大陸網民都頂唔順!

【片已被河蟹】中國版 Iron Man?《機甲戰神孫悟空》連大陸網民都頂唔順!

近幾年最 hit 嘅電影系列一定非 Marvel 莫屬,身為抄考之都嘅強國又點會放過呢個機會呢!嗱,細佬唔係話內地唔可以有新嘗試,參考下人哋啲好嘢當然好,不過唔好照抄吖嘛,學校都有教 paraphrasing 啦!

無啦啦做乜咁講?因為最近騰訊視頻上面就公開咗一條由廣州嘉米娛樂同北京袋鼠部落影業出品嘅《機甲戰神孫悟空》嘅終極預告,一出背景音樂唔睇畫面我真係以為係 Marvel 嘅預告,唔止我咁講㗎,大陸嘅網民都係咁講!(詳見我擺喺最底的截圖,雖然我唔排除啲彈幕、留言會被河蟹)

講返套戲講乜先,故事利用拍足廿年都唔厭嘅西遊記作為背景改編,天界、人界同妖界係三個互相平行嘅宇宙,天界妖界掌握住人形機甲嘅科技,並且成功研發可以穿越唔同宇宙嘅儀器,跟住簡單嚟講就係二郎神條女殺咗孫悟空條女,孫悟空就殺返二郎神條女,二郎神就出嚟復活自己條女,跟住就着甲同都係着咗甲嘅孫悟空對打。(總之就係打打打,殺殺殺)

先唔講孫悟空套甲同 Iron Man 87% 相似,呢個係咩故仔嚟架 lol,三個平行宇宙無啦啦做乜過界殺人呀,可能正片會有解釋嘅,不過你睇完條片偽 Marvel 預告,睇埋個咁嘅故事設定,真係仲會有興趣睇?

話說細佬篇稿本身喺上面嗰段就已經完咗,但突然發現條片已經喺騰訊視頻消失,為免最後成個網頁被河蟹,細佬即刻 cap 低啲留言先!究竟套戲聽日會唔會成功上架呢?

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

1 部相機 + 14 日 = 一套賀歲片!純香港製作《恭喜八婆》值得入場支持!

雖則話今時今日剩係用部 iPhone 都已經拍到 4K 60fps、1080p 240fps,甚至奧斯卡金像獎最佳導演Steven Soderbergh 挑戰過剩係用 iPhone 拍咗一套擺上大銀幕嘅《 UNSANE 》,不過有 budget 嘅邊個拍戲嘅唔想租返部大機吖,畫質好啲吖嘛。奈何 10 個搞藝術 9 個窮,演員又係錢、場租又係錢、前期後製都係錢,拍膊頭都拍唔到咁多範啦(人哋唔使開飯咩),budget 有限咁點算,彭浩翔導演選擇棄專業攝影機,用一部 Panasonic GH5 去完成整套戲嘅拍攝工作!