Home / 影視 / 動畫 / 《劇場版 數碼暴龍大冒險》角色視覺圖釋出 「咁先係我哋熟悉嘅八神太一」

《劇場版 數碼暴龍大冒險》角色視覺圖釋出 「咁先係我哋熟悉嘅八神太一」

喺 7 月嘅時候東映就宣布咗《數碼暴龍》會出新劇場版,又係基於 01 寫落去,不過今次就個個變哂大人,太一同大和設定為 22 歲。而喺 24 號嘅「 JUMP Festa 2019 」官方就公布咗呢套新劇場版嘅全身角色視覺圖:

八神 太一(22)、石田 大和(22)、武之內 空(22)、泉 光子郎(21)
太刀川 美美(21)、城戶 丈(23)、高石 岳(19)、八神 光(19)

今次終於冇好似《數碼暴龍 tri. 》時全部好似中哂輻射咁,有返我哋細個睇佢哋嘅輪廓!《數碼暴龍》動畫喺 1999 年首次推出,故事同前兩年推出嘅《寵物小精靈》動畫同樣以一班小朋友冒險為主軸,不過唔同嘅係《寵物小精靈》嘅動畫同遊戲有關連,相互帶動下到今日都仲有好高嘅討論度。相反,《數碼暴龍》動畫同暴龍機嘅玩法完全唔同(第 3 輯除外),冇辦法做到相互帶動,而自第 3 輯開始每輯都冇關連,對比《寵物小精靈》喺今時今日嘅討論度明顯較低。 2015 年上映嘅《數碼暴龍 tri. 》本來以 01 嘅角色續寫係令唔少 fans 好期待,不過角色嘅樣崩壞、劇情亂嚟等嘅原因令到大多數 fans 都好失望,希望今次《劇場版 數碼暴龍大冒險》會汲取教訓,做返齣好戲!

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

《王者之後:重拳復仇》 4K UHD 現場感強烈

2015 年的《王者之後:重拳復仇》以 Apollo 之子再發展故事,今次就將 1985 年《洛奇 4 》中的蘇聯佬龍格爾之子作為題材,一個就為父報仇,另一個就為尊嚴而戰。