Home / 音樂星光 / 叱咤 2018 頒獎禮總結 古天樂開金口、 Kay 同 Joey 達成大滿貫、 Supper Moment 連奪四年最喜愛

叱咤 2018 頒獎禮總結 古天樂開金口、 Kay 同 Joey 達成大滿貫、 Supper Moment 連奪四年最喜愛

每年嘅 1 月 1 號除外係新一年嘅開始之外,亦都係叱咤派成績表嘅大日子。今年都有唔少驚喜,最驚喜一定係早幾日缺席新城頒獎禮、開場都未見佢現身、但最終有出現兼開金口嘅古天樂獲得「我最喜愛的男歌手」,成為咗首位歌影視都稱王嘅藝人,亦都引證今時今日網絡嘅影響力係幾咁大,雖然佢冇唱為佢帶嚟呢個獎嘅《 (一個男人)一個女人和浴室》,亦冇唱大家好想佢唱嘅《今期流行》,不過都清唱咗一少段《男朋友》,算係俾足面!

年尾標到尾會、成為咗香港樂壇首位同年奪得四首四台冠軍嘅「皇上」張敬軒總共獲得三個獎項,分別係「叱咤十大」第五位(《天才兒童 1985 》)、男歌手金獎以及「我最喜愛的歌曲大獎」(《百年樹木》),成為全晚第二多獎嘅歌手。

容祖兒出道 20 年,終於憑《心之科學》首奪「至尊歌曲大獎」,成為繼葉倩文之後再有女歌手稱霸至尊歌曲、至尊唱片( 2016《 J-POP 》)、女歌手金獎( 2003、2005、2007~2013、2015、2016 )三個播放率大獎,達成大滿貫!

不過天公似乎唔想俾 Joey 獨美,因為今次獲得「叱咤十大」第二位(《一個女人和浴室》)、「至尊唱片大獎」(《 The Album Part One 》)、女歌手金獎以及「我最喜愛的女歌手」,全晚嘅大贏家謝安琪同樣喺同一晚達成大滿貫。喺 2008 年謝安琪已經憑《囍帖街》奪得「至尊歌曲」,以及憑《 Binary 》奪得「至尊唱片」,加埋 10 年後終於攞到女歌手金獎,同樣稱霸三個播放率大獎!

而 Supper Moment 依然頂住賽前大熱、有機會繼 Twins 之前再次一出道就攞到「我最喜愛的組合」嘅 MIRROR ,連續 4 年攞到呢個獎,林海峰頒獎前仲講笑話 ViuTV 一定會剪走呢段。不過都唔夠 ViuTV 識玩,喺播完成個頒獎禮之後藝人 Hailey 講咗句「事實證明我哋係好大方,我哋冇剪走任何嘢」。另外想提一提 Rubberband ,今次係佢哋喺 2016 年轉為獨立樂隊之後首次奪得「叱咤十大」(第三位《未來見》)以及組合金獎,冇公司支持都攞到呢個獎絕對係唔容易!

完整得獎名單:

叱咤樂壇生力軍

金獎——洪嘉豪

上榜歌曲:半天空檔、表情符號、掉進海的眼淚

銀獎——曾樂彤

上榜歌曲:單身旅遊日誌、青春戀愛和意外、我我

銅獎——黃妍

上榜歌曲:如何從夏天活過來、笑容迷路了

叱咤樂壇作曲人大獎

Cousin Fung

上榜作品:花灑下的歌、青春終老、咖啡因萬歲、精裝追女仔

冠軍作品:認真如初、停半分鐘聽一闋歌、未來紀念館、凱旋門

叱咤樂壇填詞人大獎

陳詠謙

上榜作品:表情符號、開心節、飲啦小氣、閨蜜專用、揮揮手、掉進海的眼淚、龍舌蘭、破壞王、在月台上等你、R U Naughty?、I Just Wanna Stay With You、飢餓遊戲、奉愛之名、維多利亞、一晃眼、好好的聊個天、大肆慶祝、精裝追女仔、放工未、半天空檔

冠軍作品:草原、認真如初、男人背後、小問題、主宰、漸漸、可一可再

叱咤樂壇編曲人大獎

王雙駿

上榜作品:一二三,三二一、沐春風、R U Naughty?、開心節、黑人問號、大肆慶祝、閨蜜專用、放工未、飲啦小氣、橙海、不要死在崇拜裡、撼動

冠軍作品:勇悍 · 17

叱咤樂壇監製大獎

舒文

上榜作品:神不守舍、太空艙、狂迷、在月台上等你、揮揮手、冇得解、一晃眼、朋友身份、Stay With Me、生涯規劃、Feel So Right

冠軍作品:Nights Without You、初心、無期、忍、小問題、心之科學

叱咤樂壇唱作人

金獎——林奕匡

上榜歌曲:花灑下的歌、生之頌、從世界到我家、好好的聊個天

冠軍歌曲:草原、一世同學

銀獎—— AGA

冠軍歌曲:Nights Without You、無期、小問題

銅獎—— 陳蕾

上榜歌曲:娛樂人生、慌

冠軍歌曲:Run Away

叱咤樂壇至尊歌曲大獎

心之科學

主唱:容祖兒 | 作曲:Howie@Dear Jane、林家謙

填詞:黃偉文 | 編曲:Dear Jane | 監製:舒文

專業推介.叱咤十大

第二位——一個女人和浴室

主唱:謝安琪 | 作曲: Bert | 填詞:黃偉文

編曲:陳哲廬 | 監製:麥浚龍、陳哲廬

第三位——未來見

主唱:RubberBand | 作曲:RubberBand | 填詞:Tim Lui

編曲:RubberBand | 監製:正@RubberBand

第四位——可一可再

主唱:eason and the duo band | 作曲:陳奕迅

填詞:陳詠謙 | 編曲:the duo band | 監製:王雙駿

第五位——天才兒童 1985

主唱:張敬軒 | 作曲:伍樂城 | 填詞:黃偉文

編曲:伍樂城 | 監製:伍樂城

第六位——錢七

主唱:周國賢 | 作曲:Goro Wong | 填詞:藍奕邦

編曲:Goro Wong | 監製:Goro Wong

第七位——無期

主唱:AGA | 作曲:AGA | 填詞:林若寧

編曲:褚鎮東  | 監製:舒文

第八位——老少平安

主唱:周柏豪 | 作曲:藍奕邦 | 填詞:藍奕邦

編曲:周錫漢、黃兆銘 | 監製:周錫漢

第九位——認真如初

主唱:陳柏宇 | 作曲:Cousin Fung | 填詞:陳詠謙

編曲:Cousin Fung | 監製:Edward Chan、Cousin Fung

第十位——沉默的士高

主唱:王菀之 | 作曲:王菀之 | 填詞:黃偉文

編曲:馮翰銘 | 監製:馮翰銘

叱咤樂壇至尊唱片大獎

《The Album》

歌手:麥浚龍、謝安琪 | 唱片監製:王雙駿

上榜歌曲:困獸·28、(一個男人)一個女人和浴室、沐春風

冠軍歌曲:人妻的偽術、勇悍·17、一個女人和浴室

叱咤樂壇組合

金獎——RubberBand

上榜歌曲:逆流之歌、那一端、發麻

冠軍歌曲:城市當代配樂團、未來見

銀獎——Dear Jane

上榜歌曲:全也活過來、Sol#4、身體語言

冠軍歌曲:深化危機、寧願當初不相見

銅獎——Supper Moment

上榜歌曲:不要死在崇拜裡、橙海、撼動、LOVE is NEARBY

冠軍歌曲:To Whom

叱咤樂壇女歌手

金獎——謝安琪

上榜歌曲:沐春風、(一個男人)一個女人和浴室

冠軍歌曲:人妻的偽術、一個女人和浴室

銀獎——Gin Lee

上榜歌曲:曌、信、侘寂、風靡

冠軍歌曲:很堅強、自我感覺還好

銅獎——AGA

冠軍歌曲:Nights Without You、無期、小問題

叱咤樂壇男歌手

金獎——張敬軒

冠軍歌曲:缺、天才兒童1985、潛水、百年樹木

銀獎——許廷鏗

上榜歌曲:恐怖情人、體操、白紙

冠軍歌曲:演員的自我修養、停半分鐘聽一闋歌

銅獎——周國賢

上榜歌曲:當下的力量、守口如瓶

冠軍歌曲:橡筋、錢七

叱咤樂壇我最喜愛的男歌手

古天樂

叱咤樂壇我最喜愛的女歌手

謝安琪

叱咤樂壇我最喜愛的組合

Supper Moment

叱咤樂壇我最喜愛的歌曲大獎

百年樹木(總票數:2091 )

主唱:張敬軒 | 作曲:伍卓賢 | 填詞:林若寧

編曲:Mac Chew | 監製:張敬軒、廖志華

最後,我想 recap 細So 最後嗰句:「我哋相約未來!」

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

KKBOX 香港 10 週年 首個屬於香港人嘅「風雲榜」3 月登場!

香港樂壇嘅頒獎禮其實唔少,雖然話去到今時今日公眾投票會係其中一個首歌有冇獎攞嘅因素,但播放率依然係會受到主持人嘅喜好影響,好似同真係自己揀仲有少少距離,不過嚟緊就會有一個真係香港人自己「揀」嘅樂壇頒獎禮 ー 「 KKBOX 香港風雲榜」。