Home / 影視 / 動畫 / 同庵野「撐枱腳」 緒方惠美話 EVA 新劇場版 2019 有公布?

同庵野「撐枱腳」 緒方惠美話 EVA 新劇場版 2019 有公布?

大家等到頸都長,宣稱 2020 就有得睇嘅 Evangelion 新劇場版完結篇。每當大家喺電視睇到庵野揸住部靚車幫 HONDA 賣廣告時,都不禁會暗咒一句:「死仔,快啲返去拍埋個結局啦!」到咗 2019 年,到底呢套「未完的經典」又有乜嘢動向呢?噚日,負責幫男主角碇真嗣配音嘅緒方惠美,就 Post 咗一張佢同庵野「撐枱腳」嘅相上 Twitter ,似乎暗示套片會有新公布。

緒方惠美喺帖子度除咗有同庵野嘅二人合照,仲幫套片賣下廣告,宣傳上兩集電影「序」同「破」已經開始喺各大串流平台上開始每月定額任睇,叫人新年放假要睇返。然後就講咗句「當然『新 EVA』正有動作,今年說不定會傳來各種各樣的公布啊(!?/笑)敬請期待❤」,令到不少粉絲都歡喜雀躍。其實佢已經唔係第一次喺 Twitter 上面爆有關《新 Evangelion 劇場版:||》嘅料,之前佢喺電影嘅事前工作會議之後都曾經發過帖文。至於今年會公布啲乜嘢,就只能講句:拭目以待啦~😎

Comments

comments

About 米奇

米奇
個趣派動漫迷、單車迷、眼鏡娘控,近年愛上了CAS音響和自組喇叭,自組喇叭均以魔法少女命名,現在使用的是マミさん的二路分音喇叭。追求在最少電源、最小組合和最少單元下的最佳音色。

Check Also

《王者之後:重拳復仇》 4K UHD 現場感強烈

2015 年的《王者之後:重拳復仇》以 Apollo 之子再發展故事,今次就將 1985 年《洛奇 4 》中的蘇聯佬龍格爾之子作為題材,一個就為父報仇,另一個就為尊嚴而戰。