Home / 樂活態度 / 出遊行樂 / 止蝕!?曼谷 Marvel 體驗館開業不足一年宣布結業

止蝕!?曼谷 Marvel 體驗館開業不足一年宣布結業

喺上年 6 月底先開幕、東南亞第一個 Marvel 體驗館「 The Marvel Experience Thailand 」喺 1 月 21 日宣布將於 1 月 29 日後停止營運,有 3 月 31 日到期門票嘅顧客可以喺 29 號前去,或者喺 1 月 30 日至 3 月 31 日期間進行退票。究竟喺 Marvel 熱潮咁旺嘅情況底下,點解呢個體驗館只係短短 7 個月就摺得呢?

「 The Marvel Experience Thailand 」開業之前聲勢好勁㗎,佔地超過 1 萬平方米,場館分成 7 個區域,當中用咗唔少最新嘅多媒體技術,包括全亞洲最大嘅 360° 球形投影天幕。不過到正式開幕之後,唔少傳媒體都大叫中伏,當中主要有以下原因:

  1. 票價太貴,超過當地人收入水平。
  2. 互動元素不足。入到去主要都係睇劇情,有得玩嘅元素好少,而且都係喺比較後段,略嫌有啲悶。
  3. 未必撞啱自己想見嘅英雄。體驗館最後一關叫「秘密會面」,玩家會見到一個真人英雄,可以影返張相打個卡,但見到邊個英雄係隨機分配。

The Demeter Corporation 係呢個項目嘅主要投資者之一,擁有 37.5% 股份。喺嗰間公司一次股東大會上,有 62.5% 股東投票決定要摺咗佢,原因係呢間嘢嘅財務狀況不符計劃預期。

雖然呢間體驗館即將結業,但個 post 當中有一句「 The new ultimate fun for everyone will arrive soon. 」,唔通嚟緊準備有新嘢出!?

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

【又係 2020 的錯】日本 7-Eleven LAWSON 8 月起停售「甜書」

根據日本經濟新聞的報導,日本兩大連鎖店 7-Eleven 及 LAWSON 宣布會在今年 8 月起全國合共 3萬多家分店將停止在店內售賣成人向的漫畫和雜誌。目的是希望在 2020 年東京奧運舉行期間,能為旅客帶來正面的形象。