Home / 吃喝玩樂 / 【藝術ge野】武術 x 雕塑藝術=? 意義深遠的思想

【藝術ge野】武術 x 雕塑藝術=? 意義深遠的思想

對於武術,大家又有幾多認識呢?係咪純粹打打殺殺?係強身健體?定係好似《葉問》咁講武術同道德文化有關?今日筆者去咗一個藝術展,正好睇驗到中國藝術家係點將武術的哲學精神放到展品當中。

作品名稱: 風山雲度
以形容唐朝將軍李廣力量的詩句為創作形象的作品:尋白羽

今次去睇的呢個展覽名為《罡》係由一個中國的當代藝術家任哲帶來的雕塑展。從外型睇,呢啲雕塑的第一個感覺係「好有型呀」,「好漫畫feel 」,因為所有作品的形象都係以武俠元素展示,由外型到線條都充滿住力量的感覺。筆者承認自己未聽任老師講解前係好膚淺喧去理解,但原來任哲背後想表達的遠比純粹武力打鬥來得深遠。

還有其他以「羅漢」作形象的雕塑

任老師話,佢創作意念係希望將中西兩地的藝術手法融合,首先做到「吸睛」的效果。然後再引發觀眾想去了解藝術品背後的意義。任老師仲話,佢希望透過呢啲雕塑可以畀觀眾理解中國千百年歷史哲學同武術間的關係,將中國的人文精神以實體表現出來。

以《封神榜》中雷震子為形象而創作的展品: 雷
為表現漸入佳境和安逸感的作品: 臻妙境

筆者行完一轉,都真係做到任老師所講被「吸睛」先,之後會想知佢背後個個意義係邊度。當中最吸引到筆者的係一個名為「風山雲度」。任老師解釋,設計意念係想用一個用木當成琴彈的人,遇意佢彈的不是表面音樂而是希望搵到「真正的知音人」。其實日常生活同感受我諗大家都有試過:你想講的意思同人地所解讀出來的相差好遠。你會覺得好「嘥氣」。呢個雕塑正正就係想表呢種無奈感覺,再簡單啲講即係「對牛彈琴」。所以如果大家去睇展覽時記得睇埋解讀搵出當中的共鳴呀!

地點:香況中環交易廣場中央大廳
時間:上午 10:00 到下午7:00
展覽日期:2017 年 3 月 7 日至 3 月 30 日

Comments

comments

About Ares

Ares

Check Also

Hot Toys Rebel Base 登陸海港城 一齊走入千歲鷹揀Figure

Hot Toys 喺香港又有新 …