Home / 熱門電影 / 比想像中好喎!《 Pokèmon 神探 Pikachu 》真人電影首支預告公開

比想像中好喎!《 Pokèmon 神探 Pikachu 》真人電影首支預告公開

由 Warner Bros 發行 、 Legendary 製作、改篇自 3DS 遊戲《名偵探比卡超》嘅真人動畫混合電影《 Pokemon 神探 Pikachu 》,首支預告終於公開喇!

上年公布會整套真人版 Pokèmon,細佬即刻 X 出聲,已經唔係因為近年冇乜邊套動漫改篇嘅真人電影係唔伏嘅,而係啲小精靈點呈現呀?!唔通變哂硬膠公仔咩!吖,估唔到條預告出到嚟比預期好喎,將啲小精靈整得寫實啲感覺又幾順眼吖,比卡超可愛嘅外觀配上 Ryan Reynolds 抵死嘅配音,呢個反差真係好正。(你可以唔同意嘅,細佬嘅個人睇法啫。)

毛茸茸嘅比卡超都幾 cute 吖!
噴火龍有鱗架😂
吸盤小丑係硬膠公仔又好合理喎!

《名偵探比卡超》係由 Creatures 開發嘅 Pokèmon 衍生作,玩家飾演嘅少年 Tim 喺人類同小精靈會和平相處嘅 Ryme City 同偵探比卡超相遇,之後將會展開一連串嘅冒險。電影版嘅少年 Tim 會由 Justice Smith 飾演,比卡超則由 Ryan Reynolds 配音,預定 2019 年 5 月上映。

Justice Smith
Ryan Reynolds

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

第 76 屆金球獎入圍名單公布 《黑豹》成首部入圍戲劇類的超級英雄電影

第 76 屆金球獎( 76th Golden Globe Awards )將會喺下年 1 月 6 日舉行,噚日就公布咗入圍名單,《黑豹》嘅入圍同《星夢情深》總共有 5 項提名,可以話係亮點之一。