Home / 最新文章 / 《水行俠》外媒好評如潮 Jason Momoa chok 爆行紅地毯

《水行俠》外媒好評如潮 Jason Momoa chok 爆行紅地毯

就嚟 12 月,終於等到 DC 年度大作《水行俠》準備上映(點解係年度大作,因為得一套之嘛 ww ),當大家都已經買定花生,等住再一次恥笑 DC 嘅時候,似乎 DC 今次要爭返一口氣。

又要講下經先, DC 眼見 Marvel 套套超級英雄電影都賺到盆滿缽滿,喺 2013 年唔執輸咁出咗套《 Man of Steel 》,用超人打開 DCEU 嘅序幕。唔係知係咪受 Christopher Nolan 嘅蝙蝠俠三部曲太成功影響, DC 嘅英雄電影好似唔行黑暗風格唔得,但又想迎合返少少大眾口味,成件事拍出嚟就有啲眼高手低嘅感覺。

《 Man of Steel 》
Christopher Nolan
蝙蝠俠三部曲

另外, DC 冇好似 Marvel 咁有一個統一兼長遠嘅規劃,剩係每套戲都搵到好大粒嘅幕後製作團隊,令到套套嘅風格都有好大差異,當啲英雄要走埋一齊嘅時候又有啲格格不入。

好彩就係仲有套《神奇女俠》頂住,故事寫得唔錯、選角簡直係完美,正正因為《神奇女俠》對比另外幾套好太多, DC 已經畀人恥笑無咗 Gal Gadot 就可以收皮。

《神奇女俠》

不過似乎 DC 只係靠女搵食嘅局面將會改寫!如果大家想了解《水行俠》個故仔講乜嘢,可以睇返呢一篇介紹:DC 近年難得一見嘅好戲?《水行俠》終極預告公開!

唔少外媒睇完《水行俠》嘅試映會之後都大讚,甚至形容《水行俠》同導演溫子仁係 DCEU 嘅救星,套套絕對值一睇再睇!

啱啱過咗嘅禮拜一, Warner Bros. 喺倫敦 Leicester Square 就搞咗個大型首映會。被譽為「最佳真人超級英雄選角」之一嘅男主角 Jason Momoa 一身黑色皮褸、攞咗海神波賽頓嘅神器「三叉戟」chok 爆行紅地毯。

女主角 Amber Heard 就身穿 Valentino 秋季嘅綠色長裙,呼應返佢喺《水行俠》裡面嘅角色。

《水行俠》將會喺 12 月 20 號上映

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

呢啲咪叫識玩!NASA 喺 Twitter 教 Marvel 可以點救 Tony Stark!

等咗大半年等到頸都長埋,《 Avengers: Endgame 》嘅第一條預告終於出咗,好合理地又破咗頭 24 小時最高觀看次數紀錄,總共有 2.89 億人次觀看。根據細佬屈指一算,唔係 Thanos 撻走咗世界一半人口,個觀看人次應該會高達 5.78 億 (^o^)!