Home / 音樂星光 / 港台破舊立新 不再 Eason、Joey 獨美 首次由樂隊奪得「全球華人至尊金曲獎」

港台破舊立新 不再 Eason、Joey 獨美 首次由樂隊奪得「全球華人至尊金曲獎」

其實早喺 12 月 17 日香港電台已經舉行咗頒獎禮,剩係留返一早已公布咗由達明一派奪得嘅「金針獎」、「全球華人至尊金曲獎」、「最優秀流行男歌手大獎」同「最優秀流行女歌手大獎」四個大獎喺噚晚(1/3)嘅「用心・聽」音樂會頒發。

港台以往都畀人有一種保守嘅感覺,主要原因係近幾年另外三個台都已經無乜頒歌手獎俾陳奕迅( 2014 同 2015 年叱咤依然有頒歌手獎畀陳奕迅,但都唔係金獎),甚至乎連 TVB 上年都冇頒歌手獎俾容祖兒,但港台上年嘅最優秀男、女歌手依然係頒俾 Eason 同 Joey。但今年港台嘅頒獎禮除咗因為截榜截得早,仍然出現 2017 年嘅歌 2018 年先頒之外,甚有一種破舊立新嘅味道。

先係喺頒獎禮玩咗一樣應該冇人用過嘅頒獎方法——由 fans 頒獎畀自己偶像,造就小樂迷「樂樂」頒獎俾陳柏宇嘅經典一幕!

再喺頒獎禮邀請咗 2018 年喺網絡傳播度極高、但甚少喺香港公開演出嘅香港歌手 JC 表演。

自 2004 年設立「最優秀流行男、女歌手大獎」以嚟,男歌手除咗喺 2004 年係由李克勤獲獎之外,過去 13 年都係由陳奕迅壟斷,而女歌手由設立去到上年一直都係容祖兒攞。今年終於打破壟斷,男、女歌手分別由張敬軒同謝安琪奪得,造就兩位成為繼陳奕迅、容祖兒之後,再次出現稱霸三大電台頒獎禮嘅歌手。

張敬軒得獎及表演片段:

謝安琪表演片段:

謝安琪得獎片段:

Supper Moment《橙海》更加係自 1994 年設立「全球華人至尊金曲獎」首次由樂隊獲獎!

Supper Moment 表演片段:

Supper Moment 得獎片段:

第 41 屆十大中文金曲完整得獎名單

金針獎——達明一派

全球華人至尊金曲獎——橙海

主唱:Supper Moment | 作曲:Supper Moment | 填詞:Supper Moment

編曲:Adrian Chan、王雙駿、Supper Moment | 監製:Adrian Chan、王雙駿

最優秀流行男歌手——張敬軒

最優秀流行女歌手——謝安琪

十大中文金曲

第一位:缺 | 主唱:張敬軒 | 作曲:徐沛昕 | 作詞:陳耀森 | 編曲:Mac Chew | 監製:張敬軒

第二位:漸漸 | 主唱:陳奕迅 | 作曲:張傑邦 | 作詞:陳詠謙 | 編曲:the duo band | 監製:王雙駿

第三位:男人背後 | 主唱:周柏豪 | 作曲:周柏豪 | 作詞:陳詠謙 | 編曲:周錫漢、黃兆銘 | 監製:周錫漢

第四位:認真如初 | 主唱:陳柏宇 | 作曲:Cousin Fung | 作詞:陳詠謙 | 編曲:Cousin Fung | 監製:Cousin Fung、 Edward Chan

第五位:很堅強 | 主唱:Gin Lee | 作曲:Eric Kwok、頡臣 | 作詞:林若寧 | 編曲:張子堅 | 監製:Eric Kwok

第五位:橙海 | 主唱:Supper Moment | 作曲:Supper Moment | 作詞:Supper Moment | 編曲:Adrian Chan、王雙駿、Supper Moment | 監製:Adrian Chan、王雙駿

第六位:小問題 | 主唱:AGA | 作曲:AGA | 作詞:陳詠謙 | 編曲:T-ma | 監製:舒文

第七位:停半分鐘聽一闋歌 | 主唱:許廷鏗 | 作曲:Cousin Fung、黃兆銘 | 作詞:6號@RubberBand | 編曲:黃兆銘 | 監製:于逸堯@人山人海、 周錫漢

第七位:一個女人和浴室 | 主唱:謝安琪 | 作曲:Bert | 作詞:黃偉文 | 編曲:Ted Lo | 監製:麥浚龍、Jerald

第八位:假使世界原來不像你預期 | 主唱:方皓玟 | 作曲:方皓玟 | 作詞:方皓玟 | 編曲:孔奕佳、許創基 | 監製:許創基

第九位:孝順 | 主唱:吳業坤 | 作曲:Kenix Cheang | 作詞:黃偉文| 編曲: Kenix Cheang | 監製:舒文@Zoo Music、 Kenix Cheang

第十位:到此一遊 | 主唱:胡鴻鈞 | 作曲:張家誠 | 作詞:張美賢 | 編曲:張家誠 | 監製:何哲圖、韋景雲

優秀流行國語歌曲獎

金獎:之外 | 主唱:陳奕迅 | 作詞:易家揚 | 作曲:徐繼宗 | 編曲:Jerald | 監製:Jerald

銀獎:倒數 | 主唱:G.E.M. | 作曲:G.E.M. 、 Lupo Groinig | 作詞:G.E.M. | 編曲:Lupo Groinig | 監制:Lupo Groinig

銅獎:張家明和婉君 | 主唱:李榮浩 | 作詞:李榮浩 | 作曲:李榮浩 | 編曲:李榮浩

最有前途新人獎

金獎:曾樂彤

銀獎:戴祖儀

銅獎:譚杏藍

優異獎:黃妍、洪嘉豪、李晧軒

優秀流行歌手大獎(排名不分先後)

AGA、 Gin Lee、 JW、 周柏豪、 容祖兒、 張敬軒、 陳奕迅、 陳柏宇、 衛蘭、 鄭欣宜、 謝安琪

CASH 最佳創作歌手獎——林奕匡

全年最佳進步獎

金獎:梁釗峰

銀獎:吳浩康

銅獎:葉巧琳

全年最佳樂隊/組合獎

金獎: Supper Moment

銀獎: Dear Jane

銅獎: Robynn & Kendy

最佳中文唱片獎

男歌手: 張敬軒《 HINSIDEOUT 演唱會》

女歌手: 楊千嬅 《三二一GO LIVE 》

組合: C AllStar《生於 C AllStar 演唱會》

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

KKBOX 香港 10 週年 首個屬於香港人嘅「風雲榜」3 月登場!

香港樂壇嘅頒獎禮其實唔少,雖然話去到今時今日公眾投票會係其中一個首歌有冇獎攞嘅因素,但播放率依然係會受到主持人嘅喜好影響,好似同真係自己揀仲有少少距離,不過嚟緊就會有一個真係香港人自己「揀」嘅樂壇頒獎禮 ー 「 KKBOX 香港風雲榜」。