Home / 影視 / 動畫 / 私心推薦十月新番:25 年後再現《 SSSS.Gridman 》

私心推薦十月新番:25 年後再現《 SSSS.Gridman 》

點解係私心推薦?因為細佬我本身就唔熟動漫嘅,不過見到首片尾曲係內田真禮唱,即刻盲撐 ww ,當然我都做下功課先介紹俾大家嘅!

內田真禮
內田真禮

超人( Ultraman )系列相信大家都唔會陌生,而今次介紹嘅《 SSSS.Gridman 》正正就係改編自 1993 年嘅真人特攝《電光超人 Gridman 》。

《電光超人 Gridman 》嘅故事今時今日聽返其實都幾老土,講三個初中生為咗保護電腦世界,同電腦戰士 Gridman 合體,進入電腦世界擊退怪獸。不過睇返轉頭,呢條橋當年真係走得幾前,而且 CG 喺當時嚟講係做得好好。

嚟到今年嘅《 SSSS.Gridman 》,雖然變咗動畫,但依然好有特攝嘅味道,而且冇咗真實嘅限制,更多嘅場景、動作可以更加細緻咁表達出嚟!同時呢個故事比起一般超人特攝嘅國防機構對抗怪獸,改為描述同學、朋友之間嘅友誼,代入感更強!

無睇過原作嘅唔使驚睇唔明,如果我同你講個故事同以前一樣你都驚啦,係咪 ww?故事係重新寫過,只係保留咗原著嘅精神,不過裡面有啲彩蛋都係睇過原著嘅先會明!

《 SSSS.Gridman 》第一集已經出咗街,全季預定 12 集。呢套動畫而家喺 viuTV 網站有得睇,有興趣不妨留意。

最後大家聽下首主題曲啦!(我個人好簡單,有內田真禮就會盲撐!)

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

馬德鐘 Ali 首登視帝視后寶座 蕭正楠黃翠如已婚!一文睇哂萬千星輝頒獎典禮 2018

年尾流流就梗係頒獎禮一蘿蘿,噚晚(12/17)TVB 就派發咗佢哋嘅年度成績表,表揚過去一年表現突出嘅 TVB 藝人。如果無睇到嘅就等細佬同大家睇一次成個頒獎禮,如果已經睇咗嘅就等細佬同大家重溫返啲亮點啦!