Home / 音樂星光 / 第二輪投票開始 古天樂上唔上到叱吒台就靠大家!

第二輪投票開始 古天樂上唔上到叱吒台就靠大家!

上個禮拜叱吒公布第一輪投票嘅候選名單就好吸引到大家嘅眼球,事關得半首歌、講過可以錄新歌不過唔可以要佢唱 Live 嘅古天樂居然榜上有名,而最估唔到嘅係咁多位網民都咁識做,推到古天樂入 5 強!今個禮拜就第二階段投票,究竟古天樂最終可唔可以做到「我最喜愛的男歌手」、踩上叱吒台就靠大家喇!

反觀女歌手嘅最後名單就正路好多,不過都有啲睇頭, Joey 破紀錄連續 19 年入選「我最喜愛的女歌手」,另外今年 8 月不幸離世嘅 Ellen 都喺最後 5 強嘅名單內,究竟大家會唔會將呢個獎送俾 Ellen 作為最後一份少少嘅心意呢?

最後組合方面都有「估你唔到」嘅賽果,由今年 ViuTV 選秀節目《全民造星》嘅 MIRROR ,成軍先至啱啱好一個月就成功打入最後 5 強,唔通真係姜 B 大 carry 直衝「我最喜愛的組合」?

2018 叱咤樂壇我最喜愛的男/女歌手、組合最後 5 強:
男歌手:陳奕迅、張敬軒、陳柏宇、周國賢、古天樂
女歌手:Gin Lee、衛 蘭、容祖兒、謝安琪、盧凱彤
組合:Dear Jane、Robynn & Kendy、RubberBand、Supper Moment、MIRROR

投票傳送門: http://bit.ly/2KPX5H4

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

KKBOX 香港 10 週年 首個屬於香港人嘅「風雲榜」3 月登場!

香港樂壇嘅頒獎禮其實唔少,雖然話去到今時今日公眾投票會係其中一個首歌有冇獎攞嘅因素,但播放率依然係會受到主持人嘅喜好影響,好似同真係自己揀仲有少少距離,不過嚟緊就會有一個真係香港人自己「揀」嘅樂壇頒獎禮 ー 「 KKBOX 香港風雲榜」。