Home / 樂活態度 / 出遊行樂 / 【自己做主角】個性化 KIT KAT 即影即製

【自己做主角】個性化 KIT KAT 即影即製

下個月頭就新年,月中就情人節,大家係咪諗緊買埋去拜年同送咩俾女朋友呢?朱古力又會唔會係你其中一個選擇呢?會就啱喇,喺 1 月 17 日至 2 月 17 日就會舉行名為「情・尋朱古力」嘅大型活動,有得玩、有得影相打卡、又有啲出面搵唔到嘅朱古力賣,而家就等小編帶大家睇下個活動有啲咩啦!

《朱古力奇想曲:一觸即發》展覽

講有咩賣之前講下有咩買之前,先講下有咩睇,喺美術館會擺咗由英國裝置藝術家 Nick Runeckles 設計嘅「 Rube Goldberg 」朱古力藝術裝置,呢個裝置會不斷有彈珠喺四條唔同嘅軌道行走,喺打磨朱古力嘅同時大家又會聽到唔同樂器發出嘅聲音。Nick 特登同細佬介紹呢個裝置係分兩部份,一邊用黃銅、一邊用木,用黃銅嗰邊發出嘅聲音會比較清脆,所以打磨嘅係牛奶朱古力;用木嗰邊發出嘅聲音會比較硬淨,所以打磨嘅係黑朱古力,想更仔細欣賞呢個裝置就要親身去喇!

英國裝置藝術家 Nick Runeckles。
唔止有得睇,隔離仲有個簡易版俾大家落手玩!

《朱古力奇想曲:一觸即發》展覽開放詳情
日期:1 月 17 日至 2 月 17 日
時間:11:00 ~ 22:00
地點:海港城海洋中心二階 207 號舖「海港城・美術館」

「 Create Your Own KIT KAT 」

睇藝術品唔啱你?唔緊要,KIT KAT 就以「 Create Your Own KIT KAT 」為主題整咗個 pop up store,提供全港首個自訂 KIT KAT 外盒「 KIT KAT MY BREAK 」服務,只要買呢個系列嘅產品滿指定金額就可以玩,每日限額 100 個。

唔單止會 print 出嚟,仲會俾返條 qr code 你 down 返個 soft copy 。

另外,喺 KIT KAT pop up store 或者一陣介紹嘅「 ChoConveni 」便利店買滿指定金額,就可以換領一盒 KIT KAT Chocolatory 手作朱古力,呢個系列香港仲未有架!

「 Create Your Own KIT KAT 」開放詳情
日期:1 月 17 日至 2 月 17 日
時間:10:00 ~ 21:00
「 KIT KAT MY BREAK 」開放時間:12:00 ~ 21:00
地點:海港城港威商場地下大堂 I

「 ChoConveni 」便利店

最後梗係要講下有咩買啦,除咗 KIT KAT 之外,仲有一個叫做「 ChoConveni 」嘅朱古力便利店,裡面全部都係朱古力相關嘅商品,除咗有嚟自世界各地總共 50 款朱古力之外,仲有好多朱古力造型嘅文具精品。

除咗有嘢買之外,店舖裡面仲有 6 個形容戀愛狀況嘅燈,大家可以揀返自己相應嘅狀況嚟打卡架!

聞說小編都係單身😏

「 ChoConveni 」開放詳情
日期:1 月 17 日至 2 月 17 日( 2 月 5 日休息)
時間:10:00 ~ 22:00
地點:海港城港威商場地下大堂 II

除咗上面三樣嘢之外,活動期間仲有好多期間限定嘅朱古力店同花店,一眾有拖拍嘅男士唔怕情人節搵唔到咩禮物啦!

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

止蝕!?曼谷 Marvel 體驗館開業不足一年宣布結業

喺上年 6 月底先開幕、東南亞第一個 Marvel 體驗館「 The Marvel Experience Thailand 」喺 1 月 21 日宣佈將於 1 月 29 日後停止營運,有 3 月 31 日到期門票嘅顧客可以喺 29 號前去,或者喺 1 月 30 日至 3 月 31 日期間進行退票。究竟喺 Marvel 熱潮咁旺嘅情況底下,點解呢個體驗館只係短短 7 個月就摺得呢?