Home / 樂活態度 / 【呀咩呀咩哈】買左呢個波 呀伯都出到「龜波氣功」!

【呀咩呀咩哈】買左呢個波 呀伯都出到「龜波氣功」!

日本動畫《龍珠》相信係唔少男人的童年回憶,而當中(起碼筆者有)都會有人做埋手勢然後大叫「龜波氣功」!雖然唔明男人的女人會覺得呢啲行為好幼稚,但最近日本就有一個可以畀各位「大細路」再「聲色俱備」地出一次技!

日本近日係網上瘋傳一條 PV,內容係有一個老人家接過小朋友手中的龍珠球後就可以使出動畫入面的必殺技「龜波氣功」!其實這個是日本 BANDAI 最新推出的商品,龍珠龜波氣功球!呢個球玩法好鬼過癮,大家越「Chok」得佢耐,個球就會發出更強勁的龜波氣功模式及叫聲,當中包括「龜波氣功」、「3 倍界王拳龜波氣功」、「10 倍界王拳龜波氣功」、「大爆炸龜波氣功」。而如果想出最弱雞的「氣功波」的話,直接出就得啦。而且,呢個球仲可以出埋「元氣彈」、「超級元氣彈」、「究極元氣彈」,不過就唔好指意有得變大啦 XDD

Chok Chok 下就出到「龜沒氣功」。
來啦,呀伯都忍得耐啦!
受死啦,魔人布歐!

大家可以在 3 月 25 日起在日本買得到,售價為 3,800 日元,折合約港幣 $ 261。

Comments

comments

About Ares

Ares

Check Also

豐洲市場金槍魚競投下層參觀廊開放 申請準備你要知

相信好多人都知道日本築地市場金槍魚競投很有特色,能夠早起的朋友都不會錯過去參觀的機會。但隨著築地市場拆卸搬到豐洲市場,參觀金槍魚競投的活動就搬到 2 樓的參觀通道去,氣氛當然沒那麼熱烈。不過由今日開始,豐洲市場的下層參觀廊經已開放,只要抽到參觀券就可以近距離觀看競投。