Home / 熱門電影 / 《閃電俠》開拍日期推遲 讓路俾《怪獸與牠們的產地 3》?

《閃電俠》開拍日期推遲 讓路俾《怪獸與牠們的產地 3》?

眼見 Marvel Studios 呢 10 年賺到盆滿缽滿, DC 喺 5 年前已經想急起直追,但係一次又一次嘅票房失利,除咗《神奇女俠》之外,連已經唔太關正傳事嘅《 自殺特攻 Suicide Squad 》都只係叫好唔叫座,搞到華納好似行兩步又退返一步咁,想追趕已經用咗 10 年嚟建立嘅 MCU ,似乎真係好高難度。

今日細佬就見到個消息,令我覺得唔止一個又一個離開嘅演員放棄 DC ,連華納自己都好似唔太重視,呢個消息就係華納將《閃電俠》原定下年 2 月嘅開拍日程大幅推遲至 2019 年年底,預定 2021 年上映。推遲嘅原因除咗本來就無確實嘅拍攝排程之外,主要係因為主角 Ezra Miller 下年 7 月就要投入同樣係華納發行嘅《怪獸與牠們的產地 3 》拍攝工作。明眼人一睇就知肯定係後者一定賺錢,索性將前者推遲開拍。

Ezra Miller

《閃電俠》其實呢一刻都未有確實劇本,連邊個做導演都未落實,本身上年喺 SDCC 公開會以 Flashpoint 為主軸令到一班 fans 好期待,不過隨住導演 Zack Snyder 離開 DC ,華納已經決定放棄黑暗風格,並公開表明呢套戲會同以往嘅 DC 電影風格完全唔同。

Zack Snyder

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

小栗旬加盟《 God vs Kong 》首次參演荷里活電影

現年 35 歲嘅小栗旬一直都幾受歡迎,近年喺《銀魂》嘅破格演出可以話係將佢事業推向高峰。早排已經傳過佢有意衝出日本,估唔到咁快就可以如願以償,進軍荷里活。