Home / 影視 / 《阿拉丁》真人版首支預告釋出,主角團顏值極高!

《阿拉丁》真人版首支預告釋出,主角團顏值極高!

近年 Disney 好鍾意將啲家傳户曉嘅經典動畫攞返出嚟拍真人版,點解?搵得吖嘛,剩係上年 3 月上映嘅《美女與野獸》就全球勁收 12.6 億美元,俾着係你都即刻拍多幾套啦,仲要講緊呢個係大把貨喺手嘅 Disney 喎!

繼《美女與野獸》之後,下一套會出嘅就係《阿拉丁》。《阿拉丁》係 1992 年推出嘅動畫電影,相信係唔少人嘅童年回憶,就算唔記得個故仔講乜,都一定會記得嗰個全身藍色嘅燈神。

其實套戲喺啱啱過去嘅夏天已經殺青,主角s 嘅顏色高到一個點,男主角阿拉丁由 27 歲嘅加拿大埃及混血兒 Mena Massoud 飾演,女主角茉莉公主就由 24 歲、舊年《 Power Rangers 》嘅粉紅戰士 Naomi Scott 飾演。另外,燈神係由 Will Smith 飾演,就咁睇已經要樣有樣,要實力有實力!

Mena Massoud
Naomi Scott
Will Smith

喺今日(10/12),《阿拉丁》嘅首支預告終於釋出,展示咗反派 Jafar 指導阿拉丁去攞傳說中嘅神燈,不過除咗男主角嘅正面同盞神燈之外,其他角色全場都未露面。《阿拉丁》預定 2019 年 5 月上映。

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

1 部相機 + 14 日 = 一套賀歲片!純香港製作《恭喜八婆》值得入場支持!

雖則話今時今日剩係用部 iPhone 都已經拍到 4K 60fps、1080p 240fps,甚至奧斯卡金像獎最佳導演Steven Soderbergh 挑戰過剩係用 iPhone 拍咗一套擺上大銀幕嘅《 UNSANE 》,不過有 budget 嘅邊個拍戲嘅唔想租返部大機吖,畫質好啲吖嘛。奈何 10 個搞藝術 9 個窮,演員又係錢、場租又係錢、前期後製都係錢,拍膊頭都拍唔到咁多範啦(人哋唔使開飯咩),budget 有限咁點算,彭浩翔導演選擇棄專業攝影機,用一部 Panasonic GH5 去完成整套戲嘅拍攝工作!