Home / 影視 / 《 阿拉丁 》神燈精靈造型公開 點解唔油藍 Will Smith 😆?

《 阿拉丁 》神燈精靈造型公開 點解唔油藍 Will Smith 😆?

經歷咗 Emma Watson 主演嘅真人版《 美女與野獸 》大賺之後,迪士尼推出改篇動畫嘅真人版電影嘅頻密程度可以話係瘋狂 ww,其中一套就係下年 5 月上映嘅《阿拉丁》。

雖然一早就知神燈精靈係由 Will Smith 飾演,不過第一條預告就無 show 過精靈嘅造型,大家一直都好期待究竟真人版精靈會係咩樣呢?

最新一期嘅《 Entertainment Weekly 》就搵咗《阿拉丁》嘅三位主角做封面,同公開咗部份劇照,大家終於見到精靈嘅造型!喂,做乜唔油藍佢呀 ww!導演 Guy Ritchie 表示大家入場係會見到藍色狀態嘅 Will Smith,只係個特效未做好所以唔公開住。另外,神燈精靈出場嘅 BGM 會有 Hip-Hop 嘅元素,喺迪士尼嘅電影係非常罕有!

《阿拉丁》預定 2019 年 5 月上映。

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

1 部相機 + 14 日 = 一套賀歲片!純香港製作《恭喜八婆》值得入場支持!

雖則話今時今日剩係用部 iPhone 都已經拍到 4K 60fps、1080p 240fps,甚至奧斯卡金像獎最佳導演Steven Soderbergh 挑戰過剩係用 iPhone 拍咗一套擺上大銀幕嘅《 UNSANE 》,不過有 budget 嘅邊個拍戲嘅唔想租返部大機吖,畫質好啲吖嘛。奈何 10 個搞藝術 9 個窮,演員又係錢、場租又係錢、前期後製都係錢,拍膊頭都拍唔到咁多範啦(人哋唔使開飯咩),budget 有限咁點算,彭浩翔導演選擇棄專業攝影機,用一部 Panasonic GH5 去完成整套戲嘅拍攝工作!