Home / 吃喝玩樂 / 香港第二間 LEGO 店 7 月登陸銅鑼灣

香港第二間 LEGO 店 7 月登陸銅鑼灣

所謂磚頭保值,香港第二間官方 LEGO 即將登陸銅鑼灣,港島人要買磚又方便咗,唔使過海去朗豪坊或現時點啦。繼旺角朗豪坊旗艦店後,第二間樂高專門店 LEGO Certified Store 將於 7 月上旬正式於銅鑼灣時代廣場開幕,繼續由同一集團 Kidsland 凱知樂控股集團負責管理及經營,總面積超過 4 千平方呎,媲美朗豪坊現店。

目前新店正式開幕日期及店內設施等細節仍未對外公布,但據悉會位於店鋪會開設於時代廣場,預料會一如傳統,設有 Pick-A-Brick 自由組件大型磚牆、Build-A-Mini 人仔組合等必備項目,以及 LEGO 大型場景。LEGO 迷最關注的則是開幕限量版套裝,但現時仍未知會否推出相關優惠,大家唯有密切留意啦。

與此同時,雖然《Thor: Raagnarok》電影尚未上畫,但 LEGO 就率先搶閘登場,兩套套裝將於今日起全球開售,美國則延遲將於 8 月 1 日正式發售。以正邪對戰為題的「The Ultimate Battle For Asgard 」套裝($49.99美元)包括雷神、未變身的班拿醫生,另一復仇者聯盟成員 Valkyrie,以及奸角 Hela 和 Fenris Wolf,以及Commodore 飛船。值得留意的是,其中 Fenris Wolf 的全身關節可活動,班拿亦可換成綠眼睛的嬲嬲表情。另一套裝 The Thor vs. Hulk: Arena Clash($59.99美元)則顧名思義,有雷神有 Hulk,仲有 Loki 添,不過就貴少少囉,想要齊主角人仔就要付出代價啦。

來源:Apple DailyKotaku

Comments

comments

About KEN

Check Also

瘋狂吸我啦🤤!星之卡比造型頭枕下年 5 月推出

相信無乜人唔識咩係星之卡比,就算你唔知佢係星之卡比,你都肯定會認得呢個粉紅波波。雖然 Switch 隻卡比就…… 傷心事唔好提喇,無論隻 game 出成點都無阻大家對佢嘅熱愛,係咪?