Home / 影視 / 【勇者無懼系列】《 IT 》導演將執導《進擊の巨人》真人荷里活電影

【勇者無懼系列】《 IT 》導演將執導《進擊の巨人》真人荷里活電影

大家仲記唔記得 2015 年嘅《進擊の巨人》,當時正值巨人最 Hit 嘅時候,加上 Cast 幾勁,有三浦春馬、水原希子同石原里美領銜主演,所以票房幾多。雖然錢就呃到,不過評價就一面倒負評!你又點諗到咁大個烈士喺面前,都仲有勇士夠膽去挑戰!

講談社今日宣佈諫山創原著嘅《進擊の巨人》,將會由華納出資、Heyday Films 製作荷里活真人電影,由舊年翻拍嘅《 IT 》導演 Andy Muschuetti 執導,同時佢妹妹 Barbara Muschietti 、日本演員岡政偉、以及《 Harry Potter 》製作人 David Heyman 都會擔任製作人。製作團隊望落就好勁喇,但做落就 …… 斷估爛唔過當年嗰套嘅 ww 。

Andy Muschuetti
Barbara Muschietti
岡政偉
David Heyman

循例介紹下《進擊の巨人》,故事講述喺 100 年前突然出現神秘巨人,佢哋以人類為食糧,人類喺巨人面前幾乎係無還手之力,最終人類起咗三幅寬 3 米、高 50 米嘅圍牆擋住巨人,人類又再次習慣咗安穩嘅生活。直到 845 年,最外層嗰幅牆被一個身高超過 60 米踢冧,大量巨人不斷走入城鎮,當時只要 10 歲嘅主角艾倫親眼目睹媽媽俾巨人咬碎吞食,從此發誓要親手屠殺所有巨人 ……

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

1 部相機 + 14 日 = 一套賀歲片!純香港製作《恭喜八婆》值得入場支持!

雖則話今時今日剩係用部 iPhone 都已經拍到 4K 60fps、1080p 240fps,甚至奧斯卡金像獎最佳導演Steven Soderbergh 挑戰過剩係用 iPhone 拍咗一套擺上大銀幕嘅《 UNSANE 》,不過有 budget 嘅邊個拍戲嘅唔想租返部大機吖,畫質好啲吖嘛。奈何 10 個搞藝術 9 個窮,演員又係錢、場租又係錢、前期後製都係錢,拍膊頭都拍唔到咁多範啦(人哋唔使開飯咩),budget 有限咁點算,彭浩翔導演選擇棄專業攝影機,用一部 Panasonic GH5 去完成整套戲嘅拍攝工作!