Home / 影視 / 《 Avengers: Endgame 》片長超過 3 小時!Russo Bros:「記得帶定紙巾入場!」

《 Avengers: Endgame 》片長超過 3 小時!Russo Bros:「記得帶定紙巾入場!」

唔少影迷期待已久嘅《 Avengers: Endgame 》終喺月頭出咗第一條預告,雖然大家明知呢條預告唔會透露啲咩重要資訊,甚至有機會係假嘅( Marvel 成日擺啲假 scene 落 trailer fake 人),但依然無阻佢破咗頭 24 人時最高觀看次數嘅紀錄。

但係得條 trailer 咁多位 fans 又點會夠喉呢,導演 Russo Bros 最近就喺《 Empire Magazine 》嘅訪問透露咗更多《 Avengers: Endgame 》相關嘅資訊:「我哋唔能夠好肯定咁講今集可以或者唔可以超越 Avengers 3 ,但我哋已經盡全力透過呢班超級英雄講最好嘅故事,呢個將會係 MCU 第一個 10 年所有故事嘅結局!」

同時 Russo Bros 亦都暗示咗今集嘅 trailer 應該都唔會有咩重要資訊透露,因為佢哋唔想大家入場前已經知道故事嘅框架、結局嘅走向,佢哋甚至唔想咁早俾大家知道今集嘅副標題。另外 Russo Bros 好肯定咁講:「今集好大機會破 MCU 紀錄,片長超過 3 個鐘,因為要講嘅嘢真係好多。」另外佢哋仲提大家記得帶定紙巾入場,似乎將會有個幾慘嘅結局!

Russo Bros

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

1 部相機 + 14 日 = 一套賀歲片!純香港製作《恭喜八婆》值得入場支持!

雖則話今時今日剩係用部 iPhone 都已經拍到 4K 60fps、1080p 240fps,甚至奧斯卡金像獎最佳導演Steven Soderbergh 挑戰過剩係用 iPhone 拍咗一套擺上大銀幕嘅《 UNSANE 》,不過有 budget 嘅邊個拍戲嘅唔想租返部大機吖,畫質好啲吖嘛。奈何 10 個搞藝術 9 個窮,演員又係錢、場租又係錢、前期後製都係錢,拍膊頭都拍唔到咁多範啦(人哋唔使開飯咩),budget 有限咁點算,彭浩翔導演選擇棄專業攝影機,用一部 Panasonic GH5 去完成整套戲嘅拍攝工作!