Home / 熱門電影 / Avengers 4「預告」流出?定名 Annihilation?

Avengers 4「預告」流出?定名 Annihilation?

Avengers 4 仲有 7 個月先出,中間仲有套《 Captain Marvel 》止一止渴,不過相信即使係咁都唔會影響大家對 Avengers 4 嘅期待。一如以往,套戲喺正式預告推出之前都會謠言滿天飛,最近就有條疑似預告流出!

如果條片係真嘅話, Avengers 4 嘅標題就會係 Annihilation ,係三個傳得好勁嘅標題之一。另外兩個分別係 Avengers 3 都未落畫已經傳嘅 End Game,同之前 Mark Ruffalo 喺一個電視節目被消音,網民用電腦軟件還原出嚟、疑似係嘅 The Last Avengers 。

坦白講,條片就流流哋,不過都已經有超過 190 萬點擊,可想而知大家係有幾咁期待!

不過你有你傳,羅素兄弟就係點都唔講,仲要衰到得閒就賣下關子,擺明就係「你好想知咩?咁我俾啲你睇完都唔明嘅嘢你睇住先囉」同「係唔講呀,吹咩?」嘅態度,大家唯有繼續等下啦⋯⋯

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

小栗旬加盟《 God vs Kong 》首次參演荷里活電影

現年 35 歲嘅小栗旬一直都幾受歡迎,近年喺《銀魂》嘅破格演出可以話係將佢事業推向高峰。早排已經傳過佢有意衝出日本,估唔到咁快就可以如願以償,進軍荷里活。