Home / 影視 / 咁玩真係好咩?CAPCOM 宣布將推出《 Mega Man》真人電影!

咁玩真係好咩?CAPCOM 宣布將推出《 Mega Man》真人電影!

上年係洛克人推出三十周年嘅大日子,官方就講明會有幾個大搞作,繼出咗 Rockman X 嘅合集,同今日正式推出嘅《 Rockman 11 》之後(唔好同我講偷跑, official 真係今日出吖嘛),官方宣布將會製作洛克人嘅真人電影⋯⋯

老老豆豆,細佬我知洛克人自 1987 年喺紅白機推出以嚟都好受歡迎,截至今年 6 月呢個 IP 嘅遊戲累計賣咗超過 3,200 萬套,但遊戲、動畫改篇嘅電影有 99.999…% 都係陣亡嘅,點解你要咁玩呢…… /.\

講返套戲,會由 20th Century Fox 發行,導演同編劇搵嚟 Ariel Schulman 同 Henry Joost 擔任,並且搵嚟《 猿人爭霸戰 Planet of the Apes 》製作公司 Chernin Entertainment 同 《 Heroes 》知名演員岡政偉共同參與製作。其實上年 7 月就傳過會做架喇,不過無諗佢真係做啫,唯有希望會好好睇睇啦!

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

《登月第一人》美版 4K UHD 低音澎湃

《登月第一人》呢套戲從太空人的角度去睇整個登月計畫,拍得頗為寫實而且都幾人性化,並不是一味吹奏美國有幾勁,巴頓覺得係近年幾值得睇的太空人電影。