Home / 熱門電影 / DC 近年難得一見嘅好戲?《水行俠》終極預告公開!

DC 近年難得一見嘅好戲?《水行俠》終極預告公開!

DCU 自 2013 年嘅《 Man of Steel 》開始之後,叫做搵到錢,但評價除咗《神奇女俠》之外幾乎全滅,主因係行暗黑風格本身已經唔太啱大眾口味,但為咗可以迎合大眾又唔敢玩到好暗黑,最終就兩邊都唔討好。

不過今次《水行俠》分分鐘可以一洗 DCU 剩係可以靠女嘅頹風,導演係恐佈大師溫子仁,睇返咁多條預告,今次有別 DCU 以往悶悶哋嘅暗黑風格,喺適當嘅時候會加返啲 gag 位,特效明顯比以往做得好。

左起:Amber Heard、溫子仁、Jason Momoa

《水行俠》故事設定喺正義聯盟共同對付荒狼之後,雖然解決過地球嘅危機,但水行俠 Arthur( Jason Momoa 飾演)依然唔肯返去故鄉阿特蘭提斯 Atlantis 繼承皇位,不過佢嘅同母異父嘅兄弟 Orm Marius 為咗爭奪皇位,招攬咗一班僱傭兵同 Blank Manta 向 Arthur 居住嘅地方宣戰, Arthur 終於意識到佢嘅使命唔單單係繼承 Atlantis 嘅皇位,同時亦都係串連以及守衛陸地同海洋嘅不二人選。

《水行俠》將於 12 月 20 日上映。

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

第 76 屆金球獎入圍名單公布 《黑豹》成首部入圍戲劇類的超級英雄電影

第 76 屆金球獎( 76th Golden Globe Awards )將會喺下年 1 月 6 日舉行,噚日就公布咗入圍名單,《黑豹》嘅入圍同《星夢情深》總共有 5 項提名,可以話係亮點之一。