Home / 影視 / DCEU《 Shazam !》唔怕死 強攻 4 月檔期!

DCEU《 Shazam !》唔怕死 強攻 4 月檔期!

積弱已久嘅 DCEU 上年年尾憑住《水行俠 Aquaman 》絕地反擊,挽回唔少聲譽,最主要原因係 Amber Heard 真係好靚 溫子仁成功幫 DC 走出以往沉悶嘅風格。咁係咪代表 DCEU 終於轉型呢?其他英雄唔知,但嚟緊上映嘅《沙贊 Shazam !》絕對係會延續呢種輕鬆、搞笑嘅風格。最重要係佢竟然夠膽挑戰《 Avengers 4 》!

《 Shazam !》本身個故事已經係中二病到一個點,一個十幾歲嘅𡃁仔大嗌「 Shazam!」就會變身成人姿態,第一條預告出嚟嘅時候已經有唔少人好好奇呢個英雄係乜水 ww。

今日終於有第二條預告,雖然條預告 1 分鐘都冇,但所有畫面都係從未曝光,除咗有 Shazam 嘅變身畫面,仲有 Shazam 對陣 Doctor Sivana 嘅場口!

《 Shazam!》論搞笑度相信就無得輸,唯一一個問題係雖然話《 Aquaman 》幫 DCEU 賺返唔少口碑,但究竟要幾大嘅自信先夠膽硬闖 Marvel 食硬嘅檔期呢?點解咁講?因為《 Captain Marvel 》3 月 6 號上,《 Avengers 4 》美國已經公布咗 4 月 25 號上,香港相信會係同步甚至再早啲上,《 Shazam!》今日就公佈美國會喺 4 月 5 號上映,咁究竟係想自殺,定係吼準 《 Captain Marvel 》所引發嘅超級英雄熱,趁嗰二十日空檔殺返一筆呢?

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

《登月第一人》美版 4K UHD 低音澎湃

《登月第一人》呢套戲從太空人的角度去睇整個登月計畫,拍得頗為寫實而且都幾人性化,並不是一味吹奏美國有幾勁,巴頓覺得係近年幾值得睇的太空人電影。