Home / 影音裝置 / Maxell 換線耳機 RF500 人聲樂器層次好分明

Maxell 換線耳機 RF500 人聲樂器層次好分明

近期筆者心郁郁想換下耳機,畢竟新年過後的利是錢都係洗左佢好啲~最近筆者從朋友手上借左對Maxell RF 500 的耳機來試聽,以 $2,300呢個價位來講,都令筆者相當之心動。

Maxell RF 500 耳機

先講講呢隻耳機的基本規格先,10 mm 動圈的設計,加上比較特別的係雙音室設計,令到音樂聽起上來都更加清晰,立體效果上都唔會太有「格硬來」的感覺。係頻率響應範圍上,耳機可以 10Hz 到 40kHz。外型上就以黑色為主,配上紅色亮面邊線,都幾型下!而且隨耳機仲邀你三對大中小矽膠耳塞。

可換上單針頭的耳機線
跟機送你3對耳塞
驚唔見的話仲送你一個袋仔裝起耳機同耳塞

講左咁耐,都係同大家講下實際聽起上來係點啦。拿,筆者試耳機通常都會用 DAP 來做播放平台,加上一堆聽左好耐的歌咁先夠公平性。今次筆者就搵來三種唔同類型的音樂做試聽,流行音樂的《Hello》,簡單人聲加樂器的《City of Stars》以及純結他音樂的《I Believe》來試聽。用呢對耳機可以好舒服咁聽到 Adele 的高音,唔會有刺耳的感覺,即使係重覆聽多幾次都唔會令耳仔太攰。但係低音方面,有啲焗促,背景的打鼓聲唔夠紮實,敲打之後似係電腦音效多過係現場錄製的感覺;

Adelel 的《Hello》

至於電影「Lala Land 」的主題曲,筆者主要係試人聲同樂器的層次及男聲低音的部份。結果發現,層次方面就可以好影易聽到人聲同樂器聲係兩條唔同Channel輸出,而且細節位好似透氣聲式者係震音都聽得到,唔使較太大聲。

電影《Lala Land》的音樂《City Of Stars》

最後的純音樂《I Believe》就係想試下耳機對音色的還原程度。用呢對耳機聽結他音樂,可以聽得到勾弦的感覺,而且細節位好似結他弦線的震音同餘韻都可以聽得到。整體來講,如果以呢個中階價去買呢對耳機的話,性價比都算合理,對於追求人聲的用家來講,呢對耳機都買得過架~

純結他音樂《I believe》

Comments

comments

About Ares

Ares

Check Also

平玩 5.1 環迴立體聲 Logitech Z607

對於影音有要求的朋友,當然想裝 …