Home / 吃喝玩樂 / 《 TOMICA 4D 》車仔細細 識震識響咁誇張?

《 TOMICA 4D 》車仔細細 識震識響咁誇張?

你可能會話今時今日玩具車識震識又有咩特別呀,但如果係 TOMY 車仔嘅 size 識震又識響,咁夠唔夠特別呢?

TOMICA 車仔可能係每個細路仔都想有嘅玩具之一,唔講唔知,原來呢個系列已經有 48 年歷史,但佢哋唔係一成不變架,今日就喺香港公布咗全新嘅「 TOMICA 4D 」,呢幾架車仔仲要攞咗「日本玩具大獎 2018 」嘅共遊玩具部門大賞!

「 TOMICA 4D 」車仔 size 同普通 TOMICA 車仔係一樣,唔同嘅係加入喇叭同振動摩打,簡單講即係架車識響識震!加入嘅引擎聲唔係上網抄啲罐頭聲咁簡單,而係好認真搵返相關車廠合作,錄返啲真聲擺落去!首批推出分別有日產 GT-R 紅色/黑色、豐田皇冠日本警車同豐田 Hi Medic 救護車,四架車仔除咗都有引擎聲同剎車聲之外,每款車各自有啲唔同嘅聲效。兩架 GTR 行緊嘅聲效係真實賽車會發出嘅轉波聲、警車行緊嘅聲效就有「嗚嗚」嘅警號聲,同真實日本警察指揮交通嘅日語指示、而救護車行緊嘅聲效就會有幾款警號聲同真實日本救護員會講嘅日語指示。

Size 同普通版本差唔多,呢架警車仲要細過普通版!

又響又震咁咪好快冇電?係架,真係好快冇電,個盒都寫明「電池壽命: 45 分 」ww ,不過唔駛太擔心,有得換電嘅。另外, TOMY 好明顯清楚 fans 儲車仔之外仲鍾意儲埋個盒,所以大盒裡有個傳統細盒,試新嘢之餘又不失傳統形象!四架「 TOMICA 4D 」車仔都係賣 HK$119, 10/27 正式發售,有興趣自己去玩具舖搵下喇!

唔使驚,有細盒嘅!

題外話,下次遇到有人話「我要買 GTR !」,拎呢架車仔出嚟咪得囉 ww!

Comments

comments

About JY

一個唔識打機但又鍾意獻醜,上至天文下至地理乜都識啲,但又乜都唔熟嘅廢青ww,最緊要玩得開心、大睇得開心!

Check Also

Hot Toys Rebel Base 登陸海港城 一齊走入千歲鷹揀Figure

Hot Toys 喺香港又有新 …